Was mach ich denn ab Freitag bloß?
Des is koa Frage, der Barthelmarkt geht los!
4 Tag lang is mir dann ned fad,
weil sich alles nur um den Barthelmarkt drahd.
Wer am Freitag umara fünfe kummt, der sicht,
wia der Buagamoasta des erste Fassl o´sticht.
Am Samstag, und a des dean scho sehr vui kenna,
da lassen´s dann die Pferdl renna.
Am Sonntag gibt´s a Mess im Zelt,
da wird dann a Zeitlang koa Maß ned b´stellt.
Vor allem der Montag hat a große Tradition,
da renna die meisten sehr friah zum Roßmarkt schon.
Und hinterher im Bierzelt, ned jeder konn´s vertrogn,
gibt´s glei des erste Masserl, und des auf nüachtern Mogn.
Was heier sunst no gibt a so?
Schauts doch einmal mal hi, dann segds es scho.
Für mi is klar, dass I wieder öfter kimm,
zum Barthelmarkt nach Oberstimm!
Design / Layout by PartY-Freak-112
